भरतपुरका बागी पौडेललाई फकाउन सभापति देउवा आफै अग्रसर, साँझ चितवनमा छलफल हुँने

१९ वैशाख, काठमाडौं । प्रधानमन्त्री एवं नेपाली कांग्रसका सभापति शेरबहादुर देउवा चितवनको भरतपुर महानगरका बागी उम्मेदवार जगन्नाथ पौडेललाई मनाउन आफै अग्रसर भएका छन् ।

उनले बुधबार साँझ पौडेललाई भेटी भरतपुर महानागरको गठबन्धकी उम्मेदवार रेनु दाहाललार्य सघाउने आग्रह गर्ने भएका छन् ।

भोलि हुने संयुक्त चुनावी सभालाई सम्बोधन गर्न देउवा आज अपरान्ह ४ बजे चितवन जाँदैनछन् । प्रधामन्त्रीको निजि सचिवालयले दिएको जानकारी अनुसार उनी आजै चितवन गएर पौडेलसँग भेट गर्नेछन् ।

कांग्रेसका तर्फबाट मेयरमा उमेदवारी दिएका जगन्नाथ पौडेलसहितका नेता कार्यकर्तालाई फकाउन देउवा बासबस्ने गरी चितवन जाने भएका हुन् ।

चितवन जिल्ला सभापति राजेश्वर खनालले प्रधानमन्त्रीसमेत रहेका कांग्रेस सभापति शेरबहादुर देउवासँग छलफल वातावरणन बनाइरहेको बताइएको छ ।