शाहरूखकाे पठानको डिजिटल राइट दुई सय करोडमा बिक्री

२२ बैशाख, एजेन्सी। बलिउड अभिनेता शाहरूख खान फिल्म ‘पठानको डिजिटल राइट दुई सय करोड भारतीय रूपैयाँमा बिक्री भएको छ ।

यतिबेला बलिउड अभिनेता खान फिल्म ‘पठान’लाई लिएर चर्चामा छन्। आदित्य चोपडाले निर्माण रहेको यस फिल्मको डिजिटल अधिकार अमेजन प्राइमले किनेको हो। तर, निर्माण टिमबाट आधिकारिक पृष्टि भने भएको छैन।

फिल्‍ममा शाहरुखको अपोजिटमा अभिनेत्री दीपिका पादुकोण छिन्। दीपिकालाई शाहरुखले ‘ओम शान्ति ओम’बाट बलिउडमा डेब्यू गराएका थिए।

‘चेन्‍नई एक्‍सप्रेस’ र ‘ह्याप्‍पी न्‍यू इयर’मा पनि दुवैले सहकार्य गरे। त्यसपछि दुवैले ‘पठान’मा एकसाथ काम गरेका हुन्।सिद्धार्थ अन्नद निर्देशित यस फिल्ममा शाहरूख र दीपिकाका साथै डिम्पल कपाडिया, आशुतोष राणा, जोन अब्राहम र सलमान खानको अभिनय रहेको छ।

यो फिल्म सन् २०२३ जनवरी २५ मा हिन्दी, तमिल र तेलुगु भाषामा रिलिज हुनेछ। सन् २०१८ मा रिलिज भएको फिल्म ‘जिरो’ पछि शाहरूख पर्दामा देखिएका छैनन्।