पोखरीया कांग्रेसले पनि सार्वजनिक गर्यो चुनावी घोषणा पत्र

२३ बैशाख, वीरगन्ज । पर्साको पोखरीया नगरपालिकामा नेपाली कांग्रेसले आफना प्रतिबद्धतासहितको चुनावी घोष्णापत्र सार्वजनिक गरेको छ । पोखरीयामा चुनावी सभा गरेर पर्साका शीर्ष नेताहरुको उपस्थितीमा कांग्रेसले आफनो चुनावी घोषणा पत्र सार्वजनिक गरेको हो ।

कार्यक्रममा पोखरीया नगरपालिकाको कांग्रेसका मेयर उम्मेदवार दिप नारानयण रौनीयार ‘मन्टु’, उपमेयरकी उम्मेदवार रेहाना खातुन , कांग्रेस केन्द्रिय सदस्य रमेश रिजाल , जिल्ला सभापति जनार्दन सिंह क्षेत्री , क्षेत्रीय सभापति श्रीकृष्ण चौहान लगायले चुनावी घोषणा पत्र सार्वजनिक गरेका हुन् ।

कांग्रेस पोखरीयाको चुनावी घोषणापत्रमा पोखरीयाको सडक विकास र नगरको समृद्धिलाइ प्राथमिकतामा राखिएको छ । यस्तै बेरोजगारी अन्त्य , कृषिमा आधुनिकिकरण , स्वास्थ्य , शिक्षा , सुशासनका बुँदा पनि कांग्रेसको चुनावी घोषणा पत्रमा समावेश छन् ।

कार्यक्रमलाइ सम्बोधन गर्दै कांग्रेस केन्द्रिय सदस्य रमेश रिजालले कांग्रेसले जे बोल्ने त्यहि गर्ने भएकाले पोखरीयाको चुनावी घोषणापत्रमा गरिएका वाचाहरु कांग्रेसका जनप्रतिनिधीहरुले कार्यान्वयनमा ल्याएरै छाड्ने बताए ।

रिजालले भने,‘ अरु जस्तो झुठकोपुलिन्दा बाँध्ने पार्टी कांग्रेस होइन , यसले जे बोल्छ त्यहि गर्छ , र गर्न सक्ने काम मात्रै बोल्छ , जनतालाइ भ्रममा राख्दैन । रिजालले मुलुकमा भएका हरेक राजनीतिक संकटको निकास कांग्रेसले नै दिएको भन्दै पोखरीयामा पनि युवा नेतृत्व मन्टुलाइ चुनावी मैदानमा उतारकोले कांग्रेसका उम्मेदवारलाइ बहुमतका साथ जिताउन अपिल गरे ।

चुनावीसभालाइ कांग्रेस पर्साका सभापति जनार्दन सिंह क्षेत्री , जिल्ला प्रवक्ता रमेशनाथ पाण्डे , क्षेत्रिय सभापति श्रीकृष्ण चौहान , मेयरका उम्मेदवार मन्टु लगायतको सहभागीता रहेको थियो ।