गठबन्धनका उपमेयरका साझा उम्मेदवार आलमको पक्षमा जनलहर तिब्र

२४ बैशाख, बीरगन्ज । बीरगन्ज महानगरका लागि गठबन्धनका उपमेयरका साझा उम्मेदवार इम्तियाज आलमको पक्षमा जनलहर बढ्दै गएको छ । आलमले पनि चुनाव नजिकिएसँगै चुनावी घरदैलोलाई तिब्र बनाएका छन् ।

घरदैलोको क्रममा उनको पक्षमा जनलहर बढ्दो छ । बीरगन्ज महानगरपालिका वार्ड नं २३ प्रसौनी विर्ता र सबैठवामा घरदैलो कार्यक्रम सम्पन्न गरिएको हो । सो वार्डबाट आफुले अधिक मत पाउनेमा आफु पुर्ण विश्वस्त रहेको कुरा उनले भने ।

घरदैलो कार्यक्रममा नेविसंघका जिल्ला सभापति विकास तिवारी, पुर्व स्ववियू सदस्य धर्मराज यादव लगायतका विद्यार्थी नेता कार्यकर्ताहरुको बाक्लो उपस्थिती रहनुका साथै वार्डबासीहरुको उपस्थितिले माहौल उत्साहजनक बनाएको थियो । अब बाँकी वडामा घरदैलो कार्यक्रमलाई निरन्तरता दिईने कुरा उम्मेद्वार आलमले जानकारी दिए ।