आज विश्व गधा दिवस, नेपालमा पनि धुमधामका साथ मनाइँदै

२५ वैशाख, काठमाडौं । आज मे ८ अर्थात विश्व गधा दिवस । गधाको उपयोगितालाई सम्झनामा राख्नका लागि मनाइँदै आएको यो दिवस यसवर्षदेखि नेपलमा पनि मनाइने भएको छ ।

नेपालमा गधासँग दाँजेर बोल्ने नेपाली समाजको बानीलाई परिवर्तन गर्नुपर्ने माग राख्दै पहिलोपटक गधा दिवस मनाउन लागिएको हो ।

एनिमल नेपाल नामक संस्थाले आइतबार सरोकारवाला निकाय र नागरिक समाजसँग सम्बन्धित संस्थाहरुसँग मिलेर गधा दिवस मनाउन विभिन्न कार्यक्रम आयोजना गरिँदैछ ।

संस्थाले गधा, घोडा, खच्चरले यातायात क्षेत्रमा पुर्याएको योगदानलाई कदर गर्नुपर्ने र उसको अवमूल्यन गर्न नहुने बताएको छ ।

समाजमा गधाको महत्वको सचेतना जगाउने उद्देश्यले यस वर्षदेखि सप्ताहव्यापी गधा दिवस मनाउन लागेको छ । तराईदेखि हिमालसम्म विशेषगरी सामान ढुवानीका लागि प्रयोग गरिने यस्ता जनावरलाई सकुन्जेल काम गराउने र काम गर्न नसक्ने भएपछि छाडा छाड्ने प्रवृत्तिले ती जनावरको वंशविनाश हुनेसम्मको समस्या पर्ने गरेको बताइएको छ ।