सत्ता गठबन्धनको चुनावी सभा आज धनगढीमा हुने

२६ वैशाख धनगढी । सत्ता गठबन्धनको चुनावी सभा आज धनगढीमा हुने भएको छ। चुनावी सभालाई नेपाली कांग्रेसका सभापति एवं प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपालले सम्बधोन गर्नेछन् ।

यस्तै, कांग्रेस वरिष्ठ नेता रामचन्द्र पौडेल र सहमहामन्त्री फरमुल्लाह मंसुरलगायत अन्य नेताहरूले पनि सभालाई सम्बोधन गर्ने कार्यसूची रहेको छ । चुनावी सभामा सहभागी हुन देउवा आइतबार नै धनगढी पुगिसकेका छन् ।

आजै देउवाको गृहजिल्ला डडेल्धुरामा चुनावी सभा हुनेछ। धनगढीको भेलालाई सम्बोधन गरेलगत्तै उनी डडेल्धुरा जाने कार्यक्रम रहेको छ।