तनहुँको व्यास नगरपालिका मेयरका उम्मेदवार जोशीमाथि हातपात, कांग्रेसमाथि आरोप

३० बैशाख, काठमाडौं ।  तनहुँको व्यास नगरपालिकाको मेयरका उम्मेदवार दीपकराज जोशीमाथि हातपात भएको छ । उनी गोन्दिराज जोशीका छोरा हुन् । उनले एमालेको सहकार्यमा व्यास नगरपालिका मेयरमा स्वतन्त्र उमेदवारी दिएका थिए ।

तनहुँकै रिस्तीमा उनीमाथि आक्रमण भएको हो । उनीमाथि कांग्रेस कार्यकर्ताले आक्रमण गरेको आरोप लगाइएको छ । जोशीले रिस्तीमा रहेको एउटा मतदान केन्द्रमा मतपत्र च्यातेको आरोप छ । त्यसपछि आक्रमण भएको थियो । जोशीको टाउकोमा चोट लागेको छ ।

जोशीले कांग्रेस वरिष्ठ नेता रामचन्द्र पौडेलको गाउँमा आफूमाथिआक्रमण भएको बताएका छन् । स्थानीयका अनुसार उनले मतपत्र च्यातेको हल्ला फैलिएपछि केही युवाहरुको जमातले उनीमाथि आक्रमण गरेको हो ।