सभापति देउवाकै वडामा कांग्रेसका उम्मेदवार पराजित, कांग्रेस बीपीका भण्डारी विजयी

३१ बैशाख, धनगढी ।  डडेल्धुराको गन्यापधुरा गाउँपालिका–१ मा नेपाली कांग्रेसका उम्मेदवार पराजित भएका छन् । उनले कांग्रेसका चन्द्रबहादुर देउवालाई हराएका हुन् ।

प्रधानमन्त्री तथा कांग्रेस सभापति शेरबहादुर देउवाको समेत वडा रहेको गन्यापधुरामा कांग्रेस बीपीका नरेश भण्डारी प्यानलसहित विजयी भएका छन् । उनले ६७३ मत प्राप्त गरेका छन् । उनका प्रतिद्वन्द्वी नेपाली कांग्रेसका देउवाले ५४४ मत पाए ।

कांग्रेस बीपीले १२९ मतले कांग्रेसका उमेदवारलाई पराजित गरेका हुन् । कांग्रेसबाट निस्कासित कर्ण मल्ल समूहले बीपी कांग्रेसको करुवा चुनाव चिह्न लिएर कांग्रेससँगै प्रतिस्पर्धा गरिरहेको छ । डडेलधुरामा करुवा र नेकपा एमालेबीच चुनावी तालमेलसमेत रहेको छ ।