काठमाडौंको मेयरमा स्थापितभन्दा बालेन दोब्बर मतले अगाडि, उपमेयरमा डंगोलको फराकिलो अग्रता कायमै

१ जेठ, काठमाडौं । काठमाडौं महानगरपालिकाको स्वतन्त्रतर्फबाट मेयरका उम्मेदवार वालेन्द्र साहले मत अग्रता बढाउँदै लगेका छन् ।

मतगणनाको सुरुदेखि अग्रता बनाएका उनले प्रतिस्पर्धी भन्दा करिब २ हजार मतान्तर बनाएका छन् । पछिल्लो मतपरिणामअनुसार उनले ४१३९ मत ल्याएका छन् ।

नेकपा एमालेको तर्फबाट मेयरका प्रत्याशी केशव स्थापितले २ हजार १ सय ४८ मत प्राप्त गर्दै साहलाई पछ्याइरहेका छन् । गठबन्धनको तर्फबाट उम्मेदवारी दिएकी नेपाली कांग्रेसकी सिर्जना सिंहले १ हजार ९ सय ३४ मत प्राप्त गरेकी छन् ।

यसैगरी काठमाडौंको उपमेयरमा एमालेको तर्फबाट उम्मेदवारी दिएकी सुनिता डंगोलले ३ हजार ५ सय ९१ मत प्राप्त गरेकी छन् भने उनलाई गठबन्धनको तर्फबाट नेकपा एकीकृत समाजवादीका रामेश्वर श्रेष्ठले १ हजार सय २७ मत प्राप्त गरी पछ्याइरहेकी छन् ।