भरतपुरमा एमालेका उम्मेदवार विजय सुवेदीको अग्रता

२ जेठ चितवन । चितवनको भरतपुर महानगरपालिकामा मेयर पदमा नेकपा एमालेका उम्मेदवार विजय सुवेदीले अग्रता बढाएका छन् ।

संयुक्त गठबन्धनकी उम्मेदवार रेणु दाहालसँग कडा प्रतिस्पर्धा गर्दै विजयले अग्रता बढाएका हुन् । नेकपा माओवादी केन्द्रकी उम्मेदवार रेनु दाहालले तीन हजार ४६ मत ल्याउँदा एमालेका सुवेदीले तीन हजार ७५ मत ल्याएका छन्। पछिल्लो विवरण अनुसार रेणु र सुवेदीमा जम्मा २९ मतमा अन्तर देखिएको छ ।

त्यस्तै स्वतन्त्र उम्मेदवार जगन्नाथ पौडेलले एक हजार ३७ मत ल्याएका छन् । सुरुमा धेरै मत अन्तरले अगाडिदेखिएकी रेणुलाई विजयले विस्तारै पछाडि पार्दै गएका हुन् । आइतबार उनीहरुबीच कडा टक्कर भएको थियो । भरतपुर महानगरपालिकामा अहिलेसम्म दुई वडाको परिणाम सार्वजनिक भएको छ ।

दुवैमा कांग्रेस उमेदवार विजयी भएका छन् । वडा नम्बर ३ मा समेत कांग्रेसकै अग्रता छ । अहिले सम्म आठ हजार ८६३ मतको गणना सकिएको छ ।