सर्लाहीको धनकौल गाउँपालिकाको अध्यक्षमा कांग्रेसका साह निर्वाचित

२ जेठ, सर्लाही । सर्लाहीको धनकौल गाउँपालिकाको अध्यक्षमा नेपाली कांग्रेसका रामआश्रय साह निर्वाचित भएका छन् । निकटतम प्रतिद्वन्द्वी नेकपा माओवादी केन्द्रका फकिरा महतोलाई एक हजार ९९ मतले पछि पार्दै साह गाउँपालिकाको अध्यक्षमा निर्वाचित भएका हुन् ।

साह गाउँपालिकाको निवर्तमान अध्यक्ष समेत हुन् । साहले चार हजार ४७७ मत पाए भने उनका निकटतम प्रतिस्पर्धी माओवादी केन्द्रका महतोले तीन हजार ३७८ मत प्राप्त गरेका छन् ।

गाउँपालिकाको उपाध्यक्षमा कांग्रेसकै अकली सहनी चार हजार ५०४ मत ल्याएर निर्वाचित भएकी छन् । सहनी पनि गाउँपालिकाको निवर्तमान उपाध्यक्ष हुन् । उनकी प्रतिस्पर्धी माओवादी केन्द्रकी निलम देवी सहनीले तीन हजार २२५ मत मात्रै पाएकी छन् ।

धनकौलका ४ वटा वडामा कांग्रेसका, दुई वडामा माओवादी केन्द्रका र एक वडामा एमालेले वडाध्यक्ष जितेको छ ।

कांग्रेसले धनकौल–१, २, ४ र ७ मा जितेको हो । यी वडाका वडाध्यक्षमा क्रमशः गौरीशंकर महतो, रामबहादुर सहनी, नरेन्द्र राय यादव र रामलखन राय निर्वाचित भएका छन् ।

माओवादी केन्द्रले ५ र ६ मा बाजी मारेको छ । ५ गजेन्द्र महतो ५ र ६ श्यामबाबु साह वडाध्यक्षमा निर्वाचित भएका छन् । एमालेले ३ नम्बर वडामा मात्र जितेको छ । अशोककुमार यादव वडाध्यक्षमा विजयी भएका हुन् ।