नेपाली बजारमा ‘रियलमी ९’ स्मार्टफोन सार्वजनिक हुँदै

२ जेठ, काठमाडौं । यही मे महिनामो अन्तिममा नेपाली बजारमा रियलमीले नयाँ फोन सार्वजनिक गर्दै छ कम्पनीले रियलमी ९ संस्करणअन्तर्गत नयाँ ‘रियलमी ९’ स्मार्टफोन सार्वजनिक गर्ने तयारी गरेको हो ।

रियलमी ९ मा स्न्यापड्रागन ६८० प्रोसेसर हुनेछ, जुन ६ एनएम प्रक्रियामा आधारित छ। यो स्मार्टफोन ९० हर्जको सुपर एमोलेड डिस्प्ले सहित १०२४०-स्तरको ब्राइटनेस समायोजनको साथमा उपलब्ध हुनेछ। अर्थात्, फोनको टच स्पीड छिटो हुनुका साथै यसको डिस्प्ले उज्यालो पनि धेरै छ।

फोनमा रहेको १६ मेगापिक्सल सेल्फी क्यामेरा फिचरले अँध्यारोमा समेत राम्रो फोटो र भिडिओ खिच्न सकिन्छ। रियलमी ९ मा पाँच हजार एमएएचको ब्याट्री प्याक दिइनेछ भने ३३ वाट डार्ट चार्ज टेक्नोलोजीद्वारा सुसज्जित हुनेछ।

सुरक्षाको लागि फोनमा इन-डिस्प्ले फिंगरप्रिन्ट सेन्सर हुनेछ। रियलमी ९ को तौल जम्मा १७८ ग्राम छ भने ७।९९ एमएम स्लिम छ।