गर्मी मौसममा फेसनेबल देखिन के गर्ने ? ट्रेन्डी देखिन कस्तो पहिरन रोज्ने ?

जेठ २ , काठमाडौं ।  यतिखेर तपाईले बैशाखलाई बिदाई गरेर जेठको पहिलो सातामा पुगेसंगंै  गर्मीको मौसम पनि बढेको छ । अनि यो गर्मीमा के लगाउने कस्तो पहिरन सुहाउँछ ,एकातिर चिन्ता हुन्छ भने ,अर्को तिर गर्मीबाट कसरी बच्ने भनेर बिभिन्न उपाए अपनाइ रहेका हुन्छाैं ।  संगै हामीलाई  गर्मी मौसम बढेसंगै महिलाहरूको दराजमा स्टाइलिस समर आउटफिटहरू देखिन्छन् । चर्को गर्मीमा आफुलाई फिट राख्न त्यती सहज छैन ।गर्मीले गर्दा काम गर्न जाँगर चल्दैन । अल्छी लाग्न सक्छ । तर, नियमित कामलाई थाँती नराखौं । हल्का व्यायाम गरौ, जुम्बा वा स्विमिङले पनि आफुलाई फिट राख्न फेसन पारखीहरूले गर्मी मौसममा फेसनेबल देखिन चुनौतीपूर्ण हुने गरेको  गुनासाे तपाई हामी संग छदैं छ । एकातिर चर्को घामले बाहिर निस्कनै मुस्किल हुन्छ  ।

भने् अर्कातिर गर्मीबाट बच्न र ट्रेन्डी देखिनुपर्ने हुन्छ । गर्मीको फेसनमा सबैभन्दा पहिला सहजतामा ध्यान दिनुपर्छ । जुन पहिरन आफूलाई सहज अनि सजिलो लाग्छ त्यही छनोट गर्नुपर्छ ।पछिल्लो समय पुरानो फेसन दोहरिन थालेको छ । अचेल बेली पाइन्ट लगाउने चलन छ । प्रिन्टेड सर्ट, बेली पाइन्टको फेसन पुनः दोहोरिएको छ । खासगरी पहिरनको छनोट आफ्नो पेसा, उमेर र अवसरअनुसार गर्नुपर्छ । फिटिङ पहिरनभन्दा लुज पहिरन सहज हुनुका साथैं शरीरमा टाँसिएको कपडाले पसिना आउने भएकाले गर्मी महसुस पनी गराउँछ ।

हिँडडुल गर्दा होस् वा कुनै काम गर्दा लुज वा हल्का पहिरन सहज हुन्छ । त्यो तपाई हामीले महशुस गरेको कुरो हो । गर्मीमा त्यसै पनि बढी पसिना निस्कने भएकाले फिटिङ पहिरन लगाउनु हुँदैन । लुज पहिरनमा पसिना आउने तथा बाफिने समस्या बाट हामीलाई छुटकारा मिल्छ । गर्मीमा छोटो पहिरन त्यति उपयोगी हुँदैन । घाममा बाहिर निस्कँदा शरीर पूरै ढाक्ने पहिरन लगाउनुपर्छ । यसले छाला कालो हुने, एलर्जी हुने, रुखो हुने जस्ता समस्या हुँदैन । सिफन, कटन, जर्जेटजस्ता फेब्रिकबाट बनेका पहिरन लगाउन सकिन्छ ।

गर्मीका लागि सबैभन्दा उपयोगी सेतो रंग हो । यो मौसमको सदाबहार रंग पनी हो । गाढा रंग गर्मीका लागि उपयुक्त हुँदैन । यसले झन् गर्मी महसुस गराउँछ । सेतो रंगका पहिरन लगाउँदा शीतल महसुस हुन्छ । सूर्यको परावैजनी किरणलाई परिवर्तित गर्ने भएकाले यो रंगको पहिरनको छनोट राम्रो हुन्छ ।