काभ्रेको पाँचखाल १३ मा आज मतदान हुने

३ जेठ काभ्रे । काभ्रेको पाँचखाल नगरपालिका-१३ स्थित श्रीराम माध्यमिक विद्यालय मतदान केन्द्रमा स्थगित भएको मतदान आज हुने भएको छ ।

बैशाख ३० गते हुन नसकेको निर्वाचन आज हुन लागेको जिल्ला निर्वाचन कार्यालय प्रमुख उमेश राइले जानकारी दिए । जिल्लामा एक मात्र मतदान केन्द्रमा निर्वाचन पाँचखाल १३ मा मतदान रोकिएको थियो । उक्त मतदान केन्द्रमा जिल्ला प्रशासन कार्यालय काभ्रेका सहायक प्रमुख जिल्ला अधिकारी अमरदिप सुनुवार निर्वाचन अधिकृत भएर निर्वाचन हुने भएको छ ।

सबै तयारी पूरा गरेर आज निर्वाचन हुने जिल्ला निर्वाचन कार्यालय काभ्रेले जनाएको छ । वडा नं. १३ को मतदान अर्को सूचना जारी नहुन्जेलसम्मको लागि स्थगित भएको थियो । दिउँसोबाट मतदान रोकिएको उक्त केन्द्रमा मतदान रोकेर मुख्य निर्वाचन कार्यालय धुलिखेल र निर्वाचन आयोगलाई पत्र काटेर अर्को सूचना जारी नहुन्जेल सम्मको लागि मतदान स्थगित सूचना टाँसिएको थियो ।