आजदेखि तीन कम्पनीको शेयर कारोबार बन्द

३ जेठ, काठमाडौं ।  नेप्सेले तीन जीवन बीमा कम्पनीको शेयर कारोबार रोक्का गरेको छ । गत बैशाख २९ गते मर्जरका लागि सहमति गरेका तीन जीवन बीमा कम्पनीको शेयर कारोबार नेप्सेले रोक्का गरिएको हाे ।

गुराँस लाइफ इन्स्योरेन्स, युनियन लाइफ इन्स्योरेन्स र प्राइम लाइफ इन्स्योरेन्सबीच एक आपसमा गाभिने सम्बन्धि प्रारम्भिक सहमतिपत्रमा सम्झौता भएसँगै आजदेखि यी तीन कम्पनीको शेयर कारोबार रोक्का भएको बताएकाे छ ।

बीमा समितिले जीवन बीमा कम्पनीको चुक्ता पुँजी ५ अर्ब पुर्‍याउन निर्देशन दिएपछि यी तीन कम्पनी मर्जरमा जाने सहमति गरेका थिए। अर्को व्यवस्था नभएसम्मको लागि यी तीन कम्पनीको शेयर कारोबार धितोपत्र दोस्रो बजारमा रोक्का रहनेछ ।