सभामुखले बोलाएको कार्यव्यवस्था परामर्श समितिको बैठक एमालेद्वारा बहिस्कार

३ जेठ, काठमाडौं ।  यस अघि लगातार संसद अवरुद्ध गर्दै आएको नेकपा एमालेले मंगबार सभामुख अग्निप्रसाद साप्कोटाले बोलाइको कार्यव्यवस्था परामर्श समितिको बैठक बहिस्कार गरेको छ ।

प्रमुख विपक्षी दलको रुपमा रहेको नेकपा एमाले बैठकमा अनुपस्थित रहेपछि उसले गर्दे आएको संसद अवरोध कायमै राख्ने देखिएको छ ।

बजेट अधिवेशनको पहिलो दिन सभामुख अग्नि प्रसाद सापकोटाले संसद भवनमै कार्यव्यवस्था परामर्श समितिको बैठक राखेको थिए । तर, उक्त बैठकमा एमाले सहभागी नभएको हो ।

संघीय संसद सचिवालयका अनुसार कार्यव्यवस्था परामर्श समितिको बैठक बानेश्वरस्थित संघीय संसद भवनको शंकर हलमा जारी छ ।

एमालेले यसअघि पनि कार्यव्यवस्था परामर्श समितिको बैठक बहिष्कार गर्दै आएको थियो । एमालेले २३ भदौ २०७८ देखि संसदमा निरन्तर अवरोध गर्दै आएको छ ।

पार्टी विभाजनमा सभामुख सापकोटाको समेत भूमिका रहेको आरोप लगाउँदै एमालेले सभामुखले नै निकास दिनुपर्ने माग राख्दै आएको छ ।

माधव नेपालसहित १४ जना सांसदलाई पार्टीले गरेको कारबाही सम्बन्धी सूचना टाास गर्नुपर्ने एमालेको माग छ । सांसदलाई कारबाही गरेको सूचना नटाँसे सभामुखले राजीनामा दिनुपर्ने एमालेको शर्त छ ।