शेयरबजारमा पहिरो, कारोबारमा सबै समूहको उपसूचक राताम्मे

३ जेठ, काठमाडौं । साताकाे तेस्राे दिन शेयरबजारमा पहिरो गएको छ । मंगलबार स्थानीय तह निर्वाचनपछि पहिलो पटक कारोबार भएको शेयरबजारमा ठूलो गिरावट आएको हो ।

निर्वाचन अगाडिको दुई दिन बढेको बजारमा मंगलबार भने उच्च गिरावट आएको छ । बजार घटेपछि कारोबार रकम समेत खुम्चिएको छ ।

बजार मापन गर्ने सूचक ८४.९० अंकले घटेर परिसूचक २२६५.५२ बिन्दुमा रोकिएको छ । कारोबारको सुरु देखि नै घटेको बजार अन्तिम समयसम्म पनि कायमै रह्यो ।

२२१ कम्पनीको ३५ लाख ९५ हजार ७४८ कित्ता शेयर १ अर्ब ६४ करोड ४० लाख ९६ हजार १९२ रुपैयाँको शेयर किनबेच भएको छ ।

कारोबारमा सबै समूहको उपसूचक राताम्मे भएको छ । बैंकिङ समूहको ३७.९५, विकास बैंक १६३.६९, वित्त कम्पनी १०१.८७, जलविद्युत १४२.५०, जीवन बीमा ५९२।५९, माइक्रोफाइनान्स १४३.२८, जीवन बीमा समूहको उपसूचक ४८५.८१ अंकले घटेको छ ।

कारोबारमा ४ वटा कम्पनीको शेयर मूल्यमा नकारात्मक सर्किट लागेको छ । यूनाइटेड इन्स्योरेन्स, लुम्बिनी जनरल इन्योरेन्स, सुर्योदय वमी लघुवित्त वित्तीय संस्था, बुद्धभुमी हाईड्रोपावर कम्पनीको सेयर मूल्यमा नकारात्मक सर्किट लागेको हो ।