एनसीसी बैंकको वित्तीय साक्षरता कार्यक्रम, महिलाहरुको उल्लेख्य सहभागिता

३ जेठ, काठमाडाैं ।  नेपाल क्रेडिट एण्ड कमर्स बैक लिमिटेड (एनसीसी) बैंकद्धारा वित्तीय साक्षरता कार्यक्रम सम्पन्न भएकाे छ । नेपाल क्रेडिट एण्ड कमर्स बैंक चौतारा शाखाले सामाजिक उत्तरदायित्व अन्तरगत वित्तीय साक्षरता कार्यक्रम सञ्चालन गरेको हाे ।

चौतारा सागाचोकगढी ७ सानो सिरुवारीस्थित सिद्घिगणेश माध्यमिक विद्यालयमा भएको कार्यक्रममा बचतको महत्व, बचत गरेको रकम बैकमा खाता खोली जम्मा गर्नुको महत्वलगायत विषयमा जानकारी दिइएको थियो ।

त्यसैगरी ऋण लिने कारणहरु, व्यवसायका लागि लिइने कर्जा, बिमा, पारिवारिक बजेटको महत्वलगायतका विषयमा जानकारी दिइएको छ ।

सय जना बढी उपस्थित रहेको साक्षरता कार्यक्रममा महिलाहरुको उल्लेख्य सहभागिता थियो । सहभागीहरुले वित्तीय साक्षरतासम्बन्धी बचत, बीमा, सेयरलगायत थुप्रै विषयमा जानकारी दिएकोमा खुसी व्यक्त गरेका थिए ।

कार्यक्रम समापन गर्दै बैंकका प्रबन्धक गिरीले चौतारा शाखाले १० हजार औषधि बीमा सुविधा २८ जना सदस्यहरुलाई उपलब्ध गराएको जानकारी गराए ।

एनसीसी बैंकले १३९ शाखा, १४ एक्स्टेन्सन काउन्टर र ११४ एटीएम बुथ सञ्चालन गरी ग्राहकहरुलाई सेवा प्रदान गर्दै आएको छ ।