मध्यपुर थिमी नगरप्रमुखमा कांग्रेसका श्रेष्ठ विजयी

४ जेठ भक्तपुर । भक्तपुरको मध्यपुर थिमी नगरपालिकाको प्रमुखमा नेपाली कांग्रेसका सुरेन्द्र श्रेष्ठ निर्वाचित भएका छन् ।

नेकपा एमालेका उम्मेदवार तथा निवर्तमान प्रमुख मदनसुन्दर श्रेष्ठलाई चार हजार ६३ मतान्तरले हराउँदै उनी नगरप्रमुख निर्वाचित भएका हुन् । सुरेन्द्रले १५ हजार ९८ मत पाए भने मदनसुन्दरले ११ हजार ३५ मत ल्याए। त्यस्तै नेपाल मजदुर किसान पार्टी नेमकिपाका आशाहरि प्रजापतिले दुई हजार २५ मत प्राप्त गरे ।

उपप्रमुखमा नेकपा माओवादी केन्द्रका विजयकृष्ण श्रेष्ठ निर्वाचित भएका छन्। उनले १२ हजार १०२ मत ल्याए । प्रतिद्वद्वी नेकपा एमालेकी उत्तरा नेपालले आठ हजार ९६३ मत पाइन् । नेपाल मजदुर किसान पार्टीकी दीक्षा बाडेले दुई हजार ७२२ मत प्राप्त गरिन् । मध्यपुर थिमीका ९ वटा वडामध्ये ६ वटामा कांग्रेसका वडाध्यक्ष विजयी भएका छन् ।

दुई वटामा एमाले र एउटामा नेमकिपाका उम्मेदवार निर्वाचित भएका छन् ।