धनगढीमा स्वतन्त्र उमेदवार गोपाल हमालको अग्रता कायमै

४ जेठ धनगढी । कैलालीको धनगढी उपमहानगरपालिकाको २३ हजार २२३ मत गणना भएको छ ।

प्राप्त पछिल्लो नतिजा अनुसार स्वतन्त्र उमेदवार गोपाल हमालले १० हजार ८२५ मतका साथ अग्रता कायम राखेका छन् । दोस्रो स्थानमा रहेका कांग्रेस उमेदावर तथा निर्वतमान उपमहानगर प्रमुख नृपबहादुर ओडले ५ हजार १६६ मत प्राप्त गरे । यस्तै नेकपा एमाले उमेदावर रणबहादुर चन्दले २ हजार ४६२ मत प्राप्त गरेका छन् ।

उपप्रमुखतर्फ माओवादी केन्द्र अगाडि छ । गठबन्धनको सहयोगमा माओवादीका केन्द्रबाट शान्ति अधिकारीले ४ हजार ६८८ मत प्राप्त गरे । एमाले उमेदवार कन्दकला रानाले ४ हजार २४६ मत प्राप्त गर्दा स्वतन्त्र उमेदवार प्रभाकर भण्डारीले २ हजार ६४२ मत प्राप्त गरे ।