स्वतन्त्र उम्मेदवार बिपनले फिदिम नगरपालिका-६ मा हराए कांग्रेस

४ जेठ, फिदिम । पाँचथरको फिदिम नगरपालिका ६ को वडाध्यक्षमा स्वतन्त्र उम्मेद्वार बिपन तुम्रोक बिजयी भएका छन् । उनले नेपाली कांग्रेसका उम्मेदवारलाई पराजित गरेका छन् ।

एनका निकटतम प्रतिद्वन्दी नेपाली काँग्रेसका डिकविर सारु मगरलाई ४८२ मतान्तरले पराजित गर्दै तुम्रोक निर्बाचित भएका हुन् । तुम्रोकले ८८४ मत प्राप्त गर्दा निकटतम प्रतिद्वन्दी मगरले ४०२ मत प्राप्त गरेका छन् ।

देशभरी यस पटकको निर्वाचनमा स्वतन्त्र उम्मेदवारले स्थापित पार्टीका उम्मेदवारहरुलाई हराइरहेका छन् । दलप्रति वितृष्णा र स्थानीयले चाहेको व्यक्तिलाई उम्मेदवार नबनाउँदा स्वतन्त्र उम्मेदवारी दिएर पनि उनीहरु विजयी भएका छन् ।