घोराही उपमहानगरपालिकाको प्रमुख र उपप्रमुखमा नेकपा एमालेका उम्मेद्वार विजयी

जेठ ५ दाङ । दाङको घोराही उपमहानगरपालिकाको प्रमुखमा नेकपा एमालेका नरुलाल चौधरी विजयी भएका छन् ।

चौधरीले ३१ हजार ७२८ मत ल्याएर निर्बाचित भए । उनका निकटतम प्रतिद्वन्द्वी गठबन्धनका तर्फबाट माओवादी केन्द्रका हेमराज शर्मा पोखरेलले २६ हजार ३६८ मत प्राप्त गरेका छन् । उपप्रमुखमा नेकपा एमालेकै हुमाकुमारी डिसिले ३० हजार ४०३ मत ल्याएर बिजयी भए ।

उनका निकटतम प्रतिद्वन्दी गठबन्धनका तर्फबाट नेपाली काङ्ग्रेसका भुपबहादुर डाँगीले ३० हजार ३५४ मत ल्याएका मुख्य निर्वाचन अधिकृत रितेन्द्र थापाले जानकारी दिए । घोराही उपमहानगरपालिकामा १९ वडा रहेका छन् ।