भद्रपुरको प्रमुखमा कांग्रेस, उपप्रमुखमा राप्रपा विजयी

५ जेठ, झापा । झापाको भद्रपुर नगरपालिकाको प्रमुखमा नेपाली कांग्रेस तथा उपप्रमुखमा राष्ट्रिय प्रजातन्त्र पार्टी विजयी भएको छ । प्रमुखमा गणेश पोखरेल र उपप्रमुखमा राधा कार्की निर्वाचित भएका छन् ।

पोखरेलले नेकपा ९एमाले०का असारु राजवंशीलाई पराजित गरेका हुन् । उनले १२ हजार ५२५ मत प्राप्त गरे । राजवंशीले नौ हजार ७५९ मत ल्याए। राप्रपाका नवराज पनेरुले ६ हजार ३१० मत प्राप्त गरेका छन् ।

नगर उपप्रमुखमा कार्कीले नौ हजार २३० मत प्राप्त गरीन् । उनका निकटतम प्रतिद्वन्द्वी नेपाल कम्युनिष्ट पार्टी ९माओवादी केन्द्र० का शिवकुमार राजभण्डारीले आठ हजार ५३३ मत पाएका थिए। भद्रपुरमा कांग्रेस, माओवादी केन्द्र र एकीकृत समाजवादीबीच चुनावी गठबन्धन भएको थियो ।

जिल्लाका १५ पालिकामध्ये हालसम्म दुई नगरपालिका र तीन गाउँपालिकाको मत परिणाम सार्वजनिक भइसकेको छ भने १० वटामा मत गणना जारी छ ।