नबिल बैंकले संस्थापक शेयर बिक्री गर्ने

५ जेठ, काठमाडाैं । नबिल बैंकले  २८ लाख ५८९ कित्ता संस्थापक शेयर बिक्री गर्ने भएकाे छ । बैंकले संस्थापक शेयरधनी अशोककुमार अग्रवाल, त्रिलोकचन्द्र अग्रवाल र तुलसीराम अग्रवालको नाममा रहेको २८ लाख ५८९ कित्ता संस्थापक शेयर बिक्री गर्न लागेकाे बताएकाे छ ।

आफ्ना केही संस्थापक शेयरधनीहरुको नाममा भएको संस्थापक शेयर बिक्री गर्ने भएको छ । अग्रवाल शेयरधनीहरुले आफ्नो नाममा रहेको उक्त शेयर बिक्री गर्न बैंकमा निवेदन दिएपछि बैंकले बिक्री खुलाएको हो ।

जसमध्ये अशोकको नाममा रहेको ९ हजार ४२८ कित्ता, त्रिलोकको १० हजार ९५१ कित्ता र तुलसीरामको नाममा रहेको ८ हजार २१० कित्ता संस्थापक शेयर बिक्री गरिने भएको हो ।

उक्त शेयर खरिद गर्न इच्छुक विद्यमान संस्थापक शेयरधनीहरुले आगामी ३५ दिनभित्र बैंकको केन्द्रीय कार्यालयस्थित कम्पनी सचिवको कार्यालयमा निवेदन दिन सक्ने बैंकले जनाएको छ।

उक्त समयसम्म संस्थापक सेयरधनीबाट आवेदन नपरे सो शेयर अन्य व्यक्ति वा कम्पनीलाई बिक्री गरिने बताइएको छ ।