घोडाघोडीको प्रमुखमा एकीकृत समाजवादी र उपप्रमुखमा कांग्रेस निर्वाचित

५ जेठ , गोदावरी ।  कैलालीको घोडाघोडी नगरपालिकाको प्रमुखमा नेकपा (एकीकृत समाजवादी)का खड्क रावत निर्वाचित भएका छन । उपप्रमुखमा  गुलियाकुमारी चौधरी विजयी भएकी छिन् ।

नेकपा (एमाले)का ममताप्रसाद चौधरीलाई पराजित गर्दै नगरप्रमुखमा खड्क रावत   निर्वाचित भएका हुन । रावतले १३ हजार १२८ मत ल्याएर विजयी हुँदा उनका प्रतिद्वन्द्वी चौधरीले आठ हजार २४१ मत प्राप्त गरेका छन् ।

उपप्रमुखमा कांग्रेसका गुलियाकुमारी चौधरी विजयी भएकी छिन् । उनले १२ हजार २७० मत प्रप्त गरेर विजयी हुँदा एमालेका करुण वम बटलाले छ हजार ९६३ प्राप्त गिरन् । कैलालीका १३ वटा पालिकामध्ये घोडाघोडी नगरपालिकासहित आठ पालिकाको मतपरमाण सार्वजनिक भइसकेको छ ।