बीरगञ्जमा राजेशमानको अग्रता बढ्दै, सिंह र सरावगीबीच कति मतको मतान्तर ?

५ जेठ, बीरगञ्ज । बीरगञ्ज महानगरपालिकाको नगरप्रमुखमा पाँच दलीय गठबन्धनबाट जनता समाजवादी पार्टी ‘जसपा’ का राजेशमान सिंहको मतान्तर बढ्दै गएको छ ।

बीरगञ्ज महानगरका ३२ वडामध्ये ११ वटा वडाको ३१ ह्जार ७ सय १ मत गणना हुँदासम्म सिंह र नेकपा एमालेका विजय कुमार सरावगीबीच ८ हजार ३ सय ४५ मतको मतान्तर रहेको छ ।

सिंहले १७ हजार २ मत पाउँदा एमालेका सरावगीले ८ हजार ६ सय ५७ मत पाएको बीरगञ्ज महानगरपालिकाका प्रमुख निर्वाचन अधिकृत धर्मराज पौडेलले जानकारी दिए ।

उनका अनुसार राष्ट्रिय प्रजातन्त्र पार्टी ‘राप्रपा’ का गिरीश गिरीले ७ सय ७९ मत प्राप्त गरेका छन् ।