ललितपुरमा चिरिबाबुलाई ८ हजार बढी मतको अग्रता

६ जेठ ललितपुर । ललितपुर महानगरपालिकाको मेयरमा गठबन्धनका उम्मेदवार नेपाली कांग्रेसका चिरिबाबु महर्जनलाई ८ हजारभन्दा बढी मतको अग्रता कायम रहेको छ ।

पछिल्लो सार्वजनिक मत परिणाम अनुसार महर्जनले १९ हजार ३२४ मत प्राप्त गरेका छन् । नेकपा एमालेका हरिकृष्ण व्यञ्जनकारले १० हजार ६१० मत प्राप्त गरेका छन् । महर्जनले व्यञ्जनकार भन्दा ८ हजार ७१४ मतको अग्रता लिएका छन् ।

उपमेयरतर्फ भने गठबन्धनको उम्मेदवारलाई पछि पार्दै एमालेकी उम्मेदवार मञ्जली शाक्य बज्राचार्यको १० हजार ४०० मत पाएकी छिन् । गठबन्धनका उम्मेदवार बाबुराजा बज्राचार्यले ७ हजार १६८ मत प्राप्त गरेका छन् ।