अर्थमन्त्री जनार्दन शर्माको पालिकामा कांग्रेस विजयी

६ जेठ , जाजरकोट । नेकपा (माओवादी केन्द्र) को गढ मानिएको रुकुम पश्चिममा दुई पालिकामा नेपाली कांग्रेस विजयी भएको छ ।

मुसीकोट नगरपालिकामा नेपाली कांग्रेसका उम्मेदवार महेन्द्र केसीले छ हजार ९१४ भोट ल्याएर माओवादीका मेयरका उम्मेदवार वसन्तकुमार शर्माले छ हजार ९०१ भोट भोट ल्याएर पराजित भएका छन् ।

यो अर्थमन्त्री जनार्दन शर्माको पालिका हो । यस्तै, उपप्रमुखमा नेकपा एकीकृत समाजवादीका उम्मेदवार विमलकुमार पुनमगर छ हजार १४० मतसहित विजयी भएका छन् । उनका निकटतम प्रतिद्वन्द्वी एमाले थलबहादुर ओलीले पाँच हजार ९८५ मत ल्याएका छन् ।