नेपालगञ्जको मेयरमा कांग्रेसका विष्ट र उपमेयरमा जसपाका राई विजयी

६ जेठ, काठमाडाैं ।  बाँकेको नेपालगञ्ज उपमहानगरपालिकाको मेयरमा नेपाली कांग्रेसका प्रशान्त विष्ट र उपमेयरमा जनता समाजवादी पार्टीका कमरुद्धिन राई विजयी भएका छन् ।

गठबन्धन तर्फबाट उम्मेदवार बनेका विष्टले नेकपा एमालेका पशुपतिदयाल मिश्रालाई नौ हजार ७८५ मतान्तरले पराजित गरेका हुन् । विष्टले २३ हजार ४६० मत र मिश्राले ११ हजार ६७५ मत प्राप्त गरेका छन् ।

राप्रपाका नन्दलाल वैश्यले सात हजार ५९८ मत पाएर तेस्रो तेस्रो स्थानमा पुगेका छन् । २०७४ सालको स्थानीय तहको निर्वाचनमा नेपालगञ्जको मेयरमा राप्रपाले जितेको थियो ।

उपमेयरमा गठबन्धन तर्फबाट जनता समाजवादी पार्टीका कमरुद्धिन राई विजयी भएका छन् । उनले १७ हजार ९५० मत ल्याएका छन् ।

एमालेकी एमालेकी शान्तिदेवी ढकालले १० हजार ९१५ मत र राप्रपाकी विन्दु चर्ती मगरले १० हजार १३५ मत प्राप्त गरेका छन् । उपमहानगरमा ६१ हजार १६१ मत खसेका थियो ।