लुम्बिनी जनरल इन्स्योरेन्सको एक लाख कित्ता संस्थापक शेयर बिक्रीमा ,जेठ १३ गतेदेखि आवेदन खुल्ला

६ जेठ ,काठमाडौं ।  लुम्बिनी जनरल इन्स्योरेन्सको संस्थापकतर्फको १ लाख २२ हजार २ सय ८७ कित्ता शेयर बिक्रीमा आएको छ । कुमारी बैंकले आफ्नो स्वामित्वमा रहेको लुम्बिनीको संस्थापक शेयर बिक्री गर्ने भएको हो । शेयर सिलबन्दी बोलकबोल प्रक्रियामार्फत बिक्री हुने इन्स्योरेन्सले जनाएको छ ।

संस्थापक शेयरको न्यूनतम मूल्य प्रति कित्ता २०० रुपैयाँ तोकिएको छ। आवेदन दिँदा तोकिएको न्यूनतम मूल्य अथवा सो मूल्यभन्दा बढी रेट राखी बोलपत्र पेस गर्नु पर्नेछ। त्यस्तै, बोलपत्र पेस गर्दा न्यूनतम १० हजार कित्ताका लागि आवेदन दिनुपर्नेछ । बोलपत्रमा जेठ १३ गतेदेखि आवेदन दिन सकिनेछ । बोलपत्रमा जेठ २७ गतेसम्म आवेदन पेस गरी सक्नुपर्नेछ ।

इच्छुक संस्थापक सेयरधनीहरुलाई बैंकले सूचना प्रकाशित भएको ३५ दिनभित्र लिखित निवेदन पेस गर्न अनुरोध गरेको छ । उल्लेखित अवधिमा खरिद गर्न इच्छुक गैरसंस्थापक लगानीकर्ता तथा योग्य जो कोही व्यक्ति या संगठित संस्थाले पनि सिलबन्दी बोलकबोलमा भाग लिन सक्नेछन् । बोलपत्र आवेदन कुमारी क्यापिटलबाट प्राप्त गर्न सकिनेछ ।