झापा बिर्तामोड नगरपालिकाको मेयर र उपमेयरमा एमाले विजयी

६ जेठ, बिर्तामोड । झापाको बिर्तामोड नगरपालिकाको मेयर र उपमेयर दुबै पदमा एमालेका उम्मेदवार विजयी भएका छन् । मेयरमा पवित्रा महतारा र उपमेयरमा नगेन्द्र संग्रौला विजयी भएका हुन् ।

महताराले कांग्रेसका भोजराज सिटौलालाई ३ हजार ७ सय ५८ मतान्तरले पराजित गरिन् । प्रसाईले १६ हजार ५ सय २० मत प्राप्त गरिन् भने निकटतम प्रतिद्वन्द्वी सिटौलाले १२ हजार ७ सय ६२ मत मात्र पाए । उपमेयरमा निर्वाचित संग्रौलाले प्रतिद्वन्द्वी माओवादी केन्द्रका चन्द्रप्रसाद (सीपी) कडरियालाई ७ हजार १ सय ३५ मतान्तरले पराजित गरे ।

संग्रौलाले १५ हजार ५ सय ८६ मत पाए भने कडरियाले ८ हजार ४ सय ५१ मत पाए । महतारा जिल्लामा नगरपालिकाको मेयर पदमा निर्वाचित पहिलो महिला बनेकी छन् । उनी अघिल्लो कार्यकाल बिर्तामोडको उपमेयर थिइन् ।