धनगढीमा हमाललाई ११ हजार मतको अग्रता

७ जेठ धनगढी । धनगढी उपमहानगरपालिकाको मेयरमा स्वतन्त्र उम्मेदवार गोपाल हमालको विजय निश्चित भएको छ ।

कांग्रेसका उम्मेदवार नृपबहादुर वडभन्दा ११ हजार ५९४ मतले अघि रहेका हमालको अब गन्न बाँकी मतभन्दा अग्रता लिएका छन् । अहिलेसम्म धनगढी उपमहानगरपालिकामा ५३ हजार ५१ मतगणना भएकोमा हमालले २३ हजार ३८४ मत प्राप्त गरेका छन् ।

उनलाई कांग्रेसका वडले ११ हजार ७४० मतका साथ पछ्याइरहेका छन् । एमाले उम्मेदवार रणबहादुर चन्दको ६ हजार ६८९ रहेको छ । अब गन्न बाँकी मत १० हजार ६६४ मात्रै रहेको अवस्थामा स्वतन्त्र उम्मेदवार हमालको जित निश्चित भएको हो ।