पछिल्लो २४ घन्टामा थप ५ जनामा कोरोना पुष्टि

११ जेठ, काठमाडौं । नेपालमा पछिल्लो २४ घन्टामा थप ५ जनामा कोरोना संक्रमण पुष्टि भएको छ। देशभरबाट १८८९ नमूनाको पीसीआर र ८२८ नमूनाको एन्टिजेन विधिबाट परीक्षण गरिएको थियो।

जसमध्ये पीसीआरबाट ४ र एन्टिजेनबाट १ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

बुधबार थप ९ जना कोरोना मुक्त भएका छन्। योसहित नेपालमा कोरोनाबाट निको हुनेको संख्या ९ लाख ६७ हजार ११ पुगेको छ।

हाल कोरोना सक्रिय संक्रमितको संख्या १२८ रहेको मन्त्रालयले जनाएको छ। मन्त्रालयका अनुसार पछिल्लो २४ घन्‍टामा ४७ हजार ९७९ जनाले कोरोनाविरुद्धको खोप लगाएका छन्।