बलिउडकी क्विन कंगनाको ‘धाकड’ फ्लप हुने पाँच कारण
नेपालबहस संवाददाता
जेठ १३, २०७९ शुक्रबार १७:१८:५८
१३ जेठ, काठमाडौं । कंगना रनावत ‘बलिउडकी क्विन’ हुन् भन्ने कुरामा दुई मत छैन । उनले ‘फेसन’, ‘तनु वेड्स मनु’, ‘क्वीन’, ‘मणिकर्णिकाः द क्वीन अफ झाँसी’ र ‘कृष ३’ जस्ता सुपरहिट फिल्ममा अभिनय गरेकी छन् ।
निरन्तर हिट फिल्म दिइरहँदा उनका अन्य फिल्महरुले पनि त्यसरी नै सफलता पाउने फिल्मका व्यापार विश्लेषक तथा समीक्षकको अनुमान थियो । तर, उनको पछिल्लो रिलिज फिल्म ‘धाकड’ यो मामलामा चुक्यो ।
यो फिल्म बक्स अफिसमा पूर्ण रुपमा फ्लप भयो, जसकारण कंगना निकै ट्रोल पनि बनिन् । उनको फिल्म किन असफल भयो भन्ने विषयमा आ(आफ्नै आँकलन गरिएका छन् । तर यहाँ प्रमुख पाँच कारण प्रस्तुत गरिएको छः
भुल भुलैया २
कार्तिक आर्यन र कियारा आडवाणी स्टारर फिल्म ‘भुल भुलैया २’ र कंगनाको फिल्म ‘धाकड’ २० मे २०२२ मा एकसाथ थिएटरमा रिलिज भए । रिलिजअघि ‘धाकड’को अगाडि ‘भुल भुलैया(२’ असफल हुने आँकलन गरिएको थियो । तर जब फिल्म रिलिज भयो, माहौल फरक देखियो । ‘भूल भुलैया २’ले पहिलो दिन जोडतोडका साथ कमाई गर्यो, यो मामलामा ‘धाकड’ असफल साबित भयो । फिल्म समीक्षक तथा व्यापार विश्लेषकले ‘धाकड’सँग ‘भूल भुलैया २’ प्रदर्शन नभएको भए कंगनाको फिल्मले राम्रो व्यापार गर्ने बताइरहेका छन् ।
कथाको अभाव
केही दर्शक छन्, जो आफूले अहिलेसम्म नहेरेको र नसुनेको कथा फिल्ममा हेर्न चाहन्छन् । तर, कंगनाको फिल्मको मामलामा दर्शकको चाहना पूरा हुन सकेन । उनको फिल्म मानव तस्करीमा आधारित छ । जबकी यस्तै कथामा यसअघि ‘शिवाय’, ‘पाखी’ जस्ता कैयौं फिल्म बनिसकेका छन् ।
आकर्षक निर्देशनको खडेरी
कुनै पनि फिल्म पहिला कथा अनि दृश्यको निर्देशनमा आधारित हुन्छ । यदि कथामा दम छैन, तर निर्देशन जबरजस्त छ भने त्यसले दर्शकलाई हलतिर आकर्षित गर्छ । तर, कंगनाको फिल्ममा दुवै कुराको अभाव खड्कियो । यो फिल्मको निर्देशन रजनीश घईले गरेका हुन् ।
ओभर एक्शन
‘धाकड’ नामले नै यो फिल्म एक्सन फिल्म हो भन्ने सबैलाई अनुभव हुन्छ । तर, आजको समयमा केबल एक्सनले मात्र फिल्म चल्दैन । यदि फिल्ममा एक्सनसँगै केही आकर्षक संवाद र कमेडी हुँदैन भने दर्शकले एक्सनमा अल्छी मान्छन् । ‘केजीएफ २’ र ‘आरआरआर’ एक उत्कृष्ट उदाहरण हो । यो फिल्म एक्सनमै आधारित थियो, तर यसमा प्रयोग भएका केही रोचक विषय र कमेडीले दर्शकलाई मनोरञ्जन दिएको थियो ।
विवादित कंगना
कंगना रनावट आफ्नो विवादित बोलीका कारण सधैं चर्चामा आउँछिन् । यस्तो मामलामा समीक्षकहरूले उनको फिल्म फ्लप हुनुमा उनको कडा र तिखो बोलीलाई पनि मानेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसलमानको घर बाहिर गोली हान्ने आरोपीले हिरासतमा गरे आत्महत्या !
बैशाख १९, २०८१ बुधबार
जोली एलएलबी ३ को छायांकन राजस्थानमा हुने
बैशाख १६, २०८१ आइतबार
मुम्बईको अदालतले दियो रवि किशनलाई ठूलो राहत, डीएनए परीक्षण गर्न अस्वीकार
बैशाख १४, २०८१ शुक्रबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
बैशाख २०, २०८१ बिहिबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
सर्लाहीमा आगलागीः एउटै गाउँको ६५ भन्दा बढी घर जले
बैशाख २०, २०८१ बिहिबार
सरकारले ब्यान्डविथको भुक्तानी नतिरेका कारण भारतबाटै इन्टरनेट सेवा प्रभावित
बैशाख २०, २०८१ बिहिबार
खराब कर्जाले बैंकिङ क्षेत्र प्रभावित हुँदा सिटिजन्स बैंक भने खराब कर्जा घटाउन सफल
बैशाख २०, २०८१ बिहिबार
रौतहटको माधवनारायणमा आगलागी हुँदा ५ घर जलेर नष्ट, ७ लाख बढीको क्षती
बैशाख २०, २०८१ बिहिबार
देशभर इन्टरनेट सेवामा समस्या
बैशाख २०, २०८१ बिहिबार