आफ्नो हार स्वीकार्न ओलीलाई यत्रो खसखस किन ?

♦अनुसा थापा

यसपटकको स्थानीय चुनावमा नेकपा एमालेलाई जनताले सही ठाउँ देखाइदिएका छन् । एमालेले गरेको क्रियाकलापहरुको प्रतिफल निर्वाचनमा देखिइसकेको छ । जनताले नपत्याएर हार्दा पनि एमाले सहज तरिकाले आफ्नो हार स्वीकार गर्न तयार छैन । बरु, आरोप–प्रत्यारोप गर्नमै एमाले व्यस्त छ ।

के कारणले हामी हार्याैं भनेर कारण खोज्नुको साटो अरुमाथि दोष देखाएर एमाले पन्छिन खोज्दै छ । सत्तापक्षले सत्ताको दुरुपयोग र धाँधली गरेर आफूलाई हराएको एमालेको दावी छ । २०७४ सालमा सबै स्थानीय तहमा एमाले निर्वाचित भएको थियो ।

यता, संसदीय चुनावमा पनि एमाले नै पहिलो पार्टी बनेको थियो । यी दुवै चुनाव गराउँदाखेरि प्रधानमन्त्री शेरबहादुर देउवा थिए । तर, त्यतिखेरको चुनावमा कांग्रेसले हार्याे । सत्ता नै प्रयोग गर्ने भएको भए त त्यतिखेर कांग्रेस नै सरकारमा आउनुपर्थ्याे । चाहेको भए देउवाले त्यतिखेर नै धाँधली गर्न सक्थे । तर, उनले हार स्वीकारे, आरोप लगाउने काम गरेनन् । प्रधानमन्त्री पद त्याग्ने बेलामा देउवाले एउटा महत्त्वपूर्ण निर्णय गरेका थिए । जनताको हितमा गरिएको निर्णय केपी ओली प्रधानमन्त्री भएर आउनेबित्तिकै उल्टाइदिए । ७० वर्षबाट घटाएर ६५ वर्षमै ज्येष्ठ नागरिक भत्ता दिने निर्णय गरिएको थियो ।

अर्कोतिर मिर्गौला, क्यान्सर, मेरुदण्डलगायत दीर्घकालीन रोग लागेकालाई मासिक ५ हजार रुपैयाँ दिने भनिएको थियो । यो निर्णयले धेरै गरिब र बिरामीहरु निकै खुशी भएका थिए । बिरामीहरुलाई निकै राहत भएको थियो । पाँच हजारले बिहान बेलुका पेटमा अन्न हाल्न पाइन्छ कि भनेर धेरै हर्षित बनेका थिए । देउवाको निर्णयबाट एमालेकै कार्यकर्ताहरु पनि मख्ख परेका थिए । आफ्नो आन्दोलन सफल हुने भयो भनेर खुशी भएका दीर्घकालीन रोगीहरु एकछिनमै गुपचुप हुन बाध्य भए ।

बुढाबुढीलाई दिएको आश्वासन पनि पुरा गरेनन् । पाँच हजार भत्ता सपनामै बित्यो । त्यहीनिर बुढाबुढीले ओली फटाहा रहेछन् भनेर थाहा पाए । आफ्नो सत्ताको दुरुपयोग गर्दै वालुवाटारमा मन्त्रिपरिषद्को बैठक गर्ने काम उनले गरे । सिंहदरबार आउन भनेपछि ओलीलाई पसिना छुट्थ्यो । यता, पार्टी कार्यालयको बैठक पनि बालुवाटारमै राख्ने, कति आनन्द ! बिरामी हुँदा पनि यहाँ उपचार गर्ने । उपचार गर्ने नाममा सरकारी ढुकुटी सकाएर विदेश जाने ।

बालुवाटार अगाडि चर्को घाममा आन्दोलन गरे । माइतीघरमा भोको पेटमा धर्ना बसे । केका लागि मासिक पाँच हजार भन्दा त्यसले औषधी खान भएपनि हुन्छ भन्नेमा उनीहरु विश्वस्त थिए । ७० वर्षमा दिने भत्ताको उमेर हद घटाउनुपर्छ । भत्ता बढाएर पाँच हजार रुपैयाँ पुर्याउनुपर्छ । सार्वजनिक यातायातमा भाडा छुट दिनुपर्छ भनेर पनि ज्येष्ठ नागरिकहरुले मीनभवनमा धर्ना दिएका थिए । एमालेले यसअघिको स्थानीय र संसदीय चुनावमा मासिक भत्ता बढाइदिने भनेर भोट माग्यो । त्यतिखेर सरकारले ज्येष्ठ नागरिकलाई जम्मा दुई हजार रुपैयाँ दिन्थ्यो । त्यसलाई बढाएर पाँच हजार पु-याउँछाैं भन्ने आश्वासन दिएर मतजति सबै आफ्नो पोल्टामा पार्याे ।

जनताको भोटबाट एमाले पहिलो पार्टी बन्यो । २०७४ फागुन ३ गते ओली प्रधानमन्त्री भए । प्रधानमन्त्री भएलगत्तै देउवाको निर्णय सबै पानीमा बग्यो । ज्येष्ठ नागरिक र दीर्घकालीन रोगीको हितमा गरिएको निर्णय खारेज गरियो । कांग्रेस पार्टी जनतासामु बिक्छ भन्ने डरले यसो गरिएको प्रष्ट बुझिएको छ । त्यो हुनेबित्तिकै जनताको मनमा चिसो पसिसकेको थियो । उसकै कार्यकर्ताहरु नै रुष्ट भइसकेका थिए । चुनावमा देखाउँछौं भनेर जनताले लिएको अठोट आखिरी पुरा गरेरै छाडे । विपक्षीहरुले सरकारको विरोध गरे भने सत्तारूढ दलका सांसद्हरु वा कार्यकर्तालाई ओलीले राम्रो सबक दिए ।

वालुवाटारमा बसेर विपक्षीलाई अरिगंलजस्तो धपाउन र टोक्न निर्देशन दिने पनि ओली नै हुन् । प्रधानमन्त्रीजस्तो पदमा बसेर यस्तो बोल्न नैतिकताले दिन्छ ? बुढाबुढीलाई दिएको आश्वासन पनि पुरा गरेनन् । पाँच हजार भत्ता सपनामै बित्यो । त्यहीनिर बुढाबुढीले ओली फटाहा रहेछन् भनेर थाहा पाए । आफ्नो सत्ताको दुरुपयोग गर्दै वालुवाटारमा मन्त्रिपरिषद्को बैठक गर्ने काम उनले गरे । सिंहदरबार आउन भनेपछि ओलीलाई पसिना छुट्थ्यो । यता, पार्टी कार्यालयको बैठक पनि बालुवाटारमै राख्ने, कति आनन्द ! बिरामी हुँदा पनि यहाँ उपचार गर्ने । उपचार गर्ने नाममा सरकारी ढुकुटी सकाएर विदेश जाने ।

आफू निकट कार्यकर्ताको घेराभित्र बस्ने । उनीहरुले जे भन्यो त्यही गर्ने । माधव नेपाल, झलनाथ खनाल र पुष्पकमल दाहाललाई भेट्न नदिने । उनलाई भेट्नका निम्ति यिनीहरुले घण्टौं प्रतीक्षा गरेका छन् । आफ्नो सरकार टिकाउनका लागि मधेशी दलका सांसद्लाई महेश बस्नेतले घरबाटै बोकेरसमेत ल्याएका छन् । जन्मदिन मनाउने भन्दै जनताले तिरेको करबाट भोज गरे, मोज गरे । नेपालको नक्सा बनाएर केक काटेर खाने कामसमेत नगरिएको होइन । आफ्नो आफन्तलाई मन्त्री र राजदूत नियुक्ति गर्ने । जनताले तिरेको कर पनि आफ्नै क्षेत्रमा लगेर भ्युटावर बनाउने ।

अन्य क्षेत्रका लागि थोपो पनि बजेट नछुट्याउने । कोरोना महामारीका कारण भोकभाकै मरे । महिनौं दिन पैदल यात्रा गरेर आफ्नो गाउँघर फर्किए । तर, उनले केही चासो दिएनन् । मेलम्चीमा त्यत्रो बाढी आयो, पुरा बस्ती नै तहसनहस बन्यो तर त्यहाँ गएर मुन्टो हल्लाउनेबाहेक केही गरेनन् । उखान–टुक्का आउँदैमा देशको प्रधानमन्त्री बनिन्छ, केपी ज्यू ?

एमालेमा बस्नेजति सबै ठग व्यक्तिका रहेछन् भन्ने जनताले बुझिसकेका छन् । अब आउने चुनावमा एमालेसँग जनतासामु जाने नारा छैन । जनतालाई झुक्काउने बहाना पनि छैन । एमाले पार्टीलाई विश्वास गर्ने आधार के ? केही राम्रो काम गरेको छ एमालेले ? चुनाव अघिको फुर्ती र मतपरिणामपछिको स्थिति ठ्याक्कै मिल्दोजुल्दो छ । वैशाख ३० गतेभन्दा अगाडि फाइँफुट्टी लगाउने ओली आज न्याउरो अनुहार लगाएर हिँडेका छन् ।

प्रधानमन्त्री जस्तो पदमा बसेर अलिकति जिम्मेवार बन्नुपर्ने होइन र ? देश र जनताको विषयमा सोच्नुपर्दैन ? कहिले बालुवाटारमा दिनभर बाँसुरी बजाएर बस्ने । हरेकचोटि भाषण दिँदा धम्काउन खोज्ने । आफूजस्तो शक्तिशाली कोही छैनन् भन्ने घमण्ड उनीमा देखिएको थियो । आफ्नो दायाँबायाँ एक दर्जन मान्छे बस्दैमा शक्तिशाली बनिन्छ ? आफूभन्दा शक्तिशाली जनता छन् भनेर सोच्नुपर्ने होइन ? ईश्वर पोखरेल, गोकुल बाँस्कोटा, महेश बस्नेत र सुवास नेम्बाङको पछि लाग्दा ओलीको हालत यस्तो भयो । एमाले पार्टी नै तहसनहस बनेको चाल सबैले पाइसकेका छन् ।

माधव नेपाल र पुष्पकमल दाहाललाई भित्तामा पु-याउन खोज्दा आफू हुत्तिएको ओलीले देखेनन् । जसको कारण आज एमालेको अस्तित्व नै संकटमा परेको छ । विभिन्न रोगीलाई दिने भनेको ५ हजार रुपैयाँ निर्णय भएर राजपत्रमा प्रकाशित भइसकेको छ । सो निर्णय कार्यान्वयनमा गएर उनीहरुले पैसा पाउन पनि सुरु गरिसकेको बताइन्छ । उता ६५ वर्षमा ज्येष्ठ नागरिक भत्ता दिने कुराहरु पनि सुन्नमा आइरहेको छ । जति नै उल्टाउन खोजे पनि राम्रो कामले ठाउँ पाइहाल्यो । एमालेले आफ्नो खुट्टामा आफै बञ्चरो हान्ने काम ग-याे । यो निर्णय नउल्टाएको भए अहिले पनि एमाले पहिलो पार्टी बन्थ्यो । मुलुकमा रोग र गरिब अझै पनि यथावत् छ । हिजोको स्थिति जस्तो थियो आज पनि उनीहरुको अवस्था त्यस्तै छ । जसलाई अलिकति सहयोग गर्न देउवा लागिपरेका छन् । ओलीको बानी व्यवहार सबैले बुझिसकेका छन् । जिते आफ्नो उपलब्धि नजिते धाँधली । यस्तो पनि हुन्छ ? हिजो एमाले जित्दा पनि त्यही व्यक्ति थियो, अहिले पनि उही नै छ ।

आफू पहिलो पार्टी हुँदा एमालेले किन एक शब्द पनि निकालेन । त्यतिखेर पनि धाँधली भयो भनेर बोल्नुपर्थ्यो । एमालेमा बस्नेजति सबै ठग व्यक्तिका रहेछन् भन्ने जनताले बुझिसकेका छन् । अब आउने चुनावमा एमालेसँग जनतासामु जाने नारा छैन । जनतालाई झुक्काउने बहाना पनि छैन । एमाले पार्टीलाई विश्वास गर्ने आधार के ? केही राम्रो काम गरेको छ एमालेले ? चुनाव अघिको फुर्ती र मतपरिणामपछिको स्थिति ठ्याक्कै मिल्दोजुल्दो छ । वैशाख ३० गतेभन्दा अगाडि फाइँफुट्टी लगाउने ओली आज न्याउरो अनुहार लगाएर हिँडेका छन् । पाँच क्विन्टल एकातिर एमाले अर्कोतिर भनेर घमण्ड गर्ने ओलीको केही लागेन ।

एमालेले चुनाव हार्दा खोइ त महेश ? तर, अहिले संसदमा गएर जनताले तिरेको करबाट तलबभत्ता खान र सेवासुविधा दिन महेश बस्नेत, गोकुल बाँस्कोटालगायतका लाई लाज लाग्दैन । ओलीले पनि तलबभत्ता त लिइरहेका छन् नि । यिनीहरु जागिर खान राजनीतिमा आएको जस्तो देखिन्छ । पैसा कमाउन आएका हुन् । अब मंसिरमा हुने चुनावमा एमाले तहसनहस हुने देखिन्छ ।

एमालेबाट नवनिर्वाचित जनप्रतिनिधिहरुले केही गर्न सक्लान् भनेर कसैलाई विश्वास छैन । मोटो रकम लिएर एमालेले टिकट दिएको सबैलाई प्रष्टै थाहा छ । अर्को पाँच वर्षपछिको चुनावमा एमालेले अहिलेको जति सिट पनि हासिल गर्न सक्दैन । पैसाले गरेको राजनीति कति दिन टिक्छ ?

आफू प्रधानमन्त्री पदमा बसिरहन दुईचोटि सांसद विघटन गरे । जनताले पाँच वर्षका निम्ति दिएको जिम्मेवारी तीन वर्ष पनि सम्हाल्न सकेनन् । सरकारले चलाउन र मुलुकमा विकास गर्न नसकेपछि सांसद विघटन गरेकालाई सर्वोच्च अदालतले नतिजा दियो । सर्वोच्च अदालतले प्रधानमन्त्री पदबाट हटाइदियो । सांसद विघटन गर्दा पनि ओली पक्षले त ठिक छ भन्दै हिँडेका थिए । तर, अदालतले त सांसद ब्तायुँताइदियो ।

ओली बालुवाटारबाट बालकोट आउने बेलामा महेश बस्नेतले चारैपट्टिबाट घेरेर ल्याएका थिए । उनले त्यतिखेर माधव नेपाललाई गद्दारसमेत भन्न बाँकी छोडेनन् । एमालेले चुनाव हार्दा खोइ त महेश ? तर, अहिले संसदमा गएर जनताले तिरेको करबाट तलबभत्ता खान र सेवासुविधा दिन महेश बस्नेत, गोकुल बाँस्कोटालगायतका लाई लाज लाग्दैन । ओलीले पनि तलबभत्ता त लिइरहेका छन् नि । यिनीहरु जागिर खान राजनीतिमा आएको जस्तो देखिन्छ । पैसा कमाउन आएका हुन् । अब मंसिरमा हुने चुनावमा एमाले तहसनहस हुने देखिन्छ ।