प्रभुले कृषि क्षेत्रमा आवद्ध कृषकलाई वित्तीय सेवा प्रदान गर्ने

१६ जेठ, काठमाडौं । कृषि क्षेत्र विकास कार्यक्रम र प्रभु बैंकबीच मूल्य शृङ्खलामा आवद्ध कृषकहरुमा वित्तीय सेवा प्रवाहको लागि सम्झौता भएको छ ।

नेपाल सरकार कृषि तथा पशुपन्छी विकास मन्त्रालयका सचिव गोविन्दप्रसाद शर्माको अध्यक्षतामा सम्पन्न भएको एक कार्यक्रमका बीच सम्झौता पत्रमा हस्ताक्षर भएको हो ।

उक्त कार्यक्रममा प्रभु बैंकका सीईओ अशोक शेरचन, कृषि विकास मन्त्रालयका सह–सचिव एवं प्रवक्ता प्रकाशकुमार सञ्जेल, कृषि क्षेत्र विकास कार्यक्रमका कार्यक्रम संयोजक विनोद कुमार भट्टराई र कृषि तथा पशुपन्छी विकास मन्त्रालय एवं कृषि क्षेत्र विकास कार्यक्रम तथा प्रभु बैंक लिमिटेडका कर्मचारीहरुको समेत उपस्थिती रहेको थियो ।

कृषि क्षेत्र विकास कार्यक्रम कृषि विकासका लागि अन्तर्राष्ट्रिय कोष ‘आईएफएडी’ को आर्थिक सहयोगमा नेपाल सरकारको संघीय कृषि तथा पशुपन्छी विकास मन्त्रालयद्धारा सञ्चालित कार्यक्रम हो ।

कर्णाली प्रदेशका पहाडी तथा उच्च पहाडी क्षेत्रमा बसोवास गरेका जनताहरुको गरिवी तथा पोषण असुरक्षा न्यूनिकरण गरी उक्त कार्यक्रम सञ्चालित छ ।

कृषि क्षेत्र विकास कार्यक्रमले कृषि उत्पादक, कृषि व्यवसायी र साना किसानको माग अनुसारको वित्तीय सेवाको लागि उपयुक्त वित्तीय सेवा प्रदायकहरु बैंक तथा वित्तीय संस्था र सहकारीसंग जोड्न सहजीकरण गर्दछ ।