श्रीमतीले खानामा चाउचाउ मात्र बनाएपछि श्रीमानले दिए डिभोर्स

१७ जेठ, एजेन्सी । भारतकाे मैसूरमा एउटा अचम्मको खबर आएको छ । एक श्रीमानले आफ्नी श्रीमतीसँग डिभोर्स लिएका छन् किनभने उनकी श्रीमतीले मात्रै म्यागी बनाउँछिन् । यो सानो समस्यामा दम्पतीले अदालतको सहारा लिएका थिए ।

शुक्रबार प्रधान जिल्ला तथा सत्र अदालतमा न्यायाधीश एमएल रघुनाथको इजलासले उक्त मुद्दाको सुनुवाइ गरेका हुन् । दुवैको आपसी सहमतिमा सम्बन्धविच्छेद भएको थियो ।

मुद्दाको सुनुवाइका क्रममा श्रीमानले श्रीमतीले तीन पटक म्यागी मात्रै पकाउने गरेको बताए । श्रीमानले अदालतमा भने, “मेरी श्रीमतीलाई खानामा म्यागी बाहेक अरू केही बनाउन थाहा छैन। उनले बिहानको खाजामा म्यागी, दिउँसोको खाना र बेलुकीको खानामा पनि म्यागी पकाउँछिन्। रासनमा चाउचाउ मात्र किन्छिन्।

न्यायाधीश रघुनाथले यस अनौठो केसलाई म्यागी केसको नाम दिएका छन् ।  आफ्नो अनुभव साझा गर्दै, न्यायाधीश रघुनाथले भने कि अदालतले धेरै जोडीहरूलाई पुनर्मिलन गर्ने प्रयास गर्दछ। तर, कहिलेकाहीँ मानिसले पुराना कुराहरू बिर्सेर नयाँ जीवन सुरु गर्छ ।

न्यायमूर्ति एमएल रघुनाथले भने, ‘अहिले सानातिना कुरामा सम्बन्ध विच्छेदको निवेदन परिरहेको छ । थालमा गलत ठाउँमा नुन हालेको वा विवाहको पोशाकको रंग मन नपर्ने आधारमा पनि सम्बन्धविच्छेद गरेको उनले बताए । न्यायका अनुसार सम्बन्धविच्छेदका मुद्दामा परेको निवेदनमा मिलाएर विवाह र प्रेमविवाह दुवैको समान मुद्दा रहेको छ ।