प्रतिनिधिसभामा आज पनि बजेटमाथि सैद्धान्तिक छलफल हुने

१८ जेठ काठमाडौं । सरकारले आइतवार संसद्मा पेश गरेको राजश्व र व्ययको वार्षिक अनुमानित बजेटमाथि आज पनि प्रतिनिधिसभामा सैद्धान्तिक छलफल हुँदैछ ।

मंगलवारदेखि प्रतिनिधि सभामा शुरू भएको सैद्धान्तिक छलफल बुधवार पनि जारी रहनेछ । बिहान ११ बजे बस्ने प्रतिनिधिसभा बैठकमा बजेटमाथि सैद्धान्तिक छलफल गर्ने कार्यसूची छ । सामान्य छलफल सकिएपछि विनियोजन विधेयकमाथि मन्त्रालयगत छलफल हुनेछ ।

अर्थमन्त्री जनार्दन शर्माले आइतवार संसद्मा १७ खर्ब ९३ अर्ब बराबरको बजेट पेश गरेका थिए । साउन १ गतेबाट लागू हुने बजेट असार भित्रै पारित गर्नेगरी संसद् सचिवालयले छलफलको तालिका बनाएको छ ।