देशका पहाडी क्षेत्रमा आज मौसम बदली

१८ जेठ काठमाडौं । देशका पहाडी क्षेत्रमा मौसम बदली भएको छ । अहिले प्रदेश-१ र गण्डकीका एकरदुई ठाउँमा मेघगर्जन र चट्याङ्गसहित पानी परिरहेको जल तथा मौसम पूर्वानुमान महाशाखाले जनाएको छ । तर काठमाडाैं उपत्यकासहित आसपासका क्षेत्रमा घाम लागेको छ ।

अहिले घाम लागे पनि मौसम फेरि बदली भइ केही ठाउँमा पानी पर्ने सम्भावना रहेको मौसमविद् राजु प्रधानाङ्गले जानकारी दिए ।

दिउँसो प्रदेश १, वाग्मती र गण्डकी प्रदेशमा मौसम आंशिकदेखि सामान्य बदली रहने अनुमान छ । कतैकतै हावाहुरीसहित हल्का वर्षाको पनि सम्भावना छ ।

नेपालमा अहिले स्थानीय वायु, भारतको उत्तर प्रदेश, बिहार आसपास रहेको न्यून चापीय रेखा र पश्चिमी वायुको प्रभाव रहेको छ ।