गरिमा र ‘जंगल भिल्ला रिर्सोट’बीच सेवा सुविधामा छुट सम्बन्धी सम्झौता

२० जेठ, काठमाडौं । गरिमा विकास बैंक र ‘जंगल भिल्ला रिर्सोट’बीच सेवा सुविधामा छुट सम्बन्धी सम्झौता भएको छ ।

आन्तरिक पर्यटनलार्ई प्रोत्साहन तथा प्रर्बद्धन र ग्राहकहरुलाई थप सुविधाहरु प्रदान गर्नका लागि पर्यटकिय स्थल चितवनको प्रख्यात होटल ‘जंगल भिल्ला रिर्सोट’सँग बैंकले प्रदान गर्ने विभिन्न सेवा सुविधाहरुमा आर्कषक छुटको लागि सम्झौता गरेका हो ।

सम्झौता अनुसार, उक्त होटलले विभिन्न प्रकारका रुम तथा फुड एण्ड वेभरेजमा समान १५% छुट प्रदान गर्ने भएको छ । यस बैंकका डेविट कार्ड र गरिमा स्मार्ट प्रयोग गरि बिल भुक्तानी गर्ने ग्राहकहरुले उक्त होटलबाट उल्लेखित छुट सुविधाहरु लिन सक्ने बैंकले जनाएको छ ।

हाल गरिमा विकास बैंकले १२१ शाखा कार्यालयहरु, १ एक्स्टेन्सन काउण्टर र ५१ ए.टि.एम.बाट आफ्ना ग्राहकहरुलाई सरल, सुरक्षित एवं गुणस्तरीय बैकिङ सुविधा प्रदान गर्दै आईरहेको छ ।