पर्साको मसिहानीमा विद्यालय भवनको शिलान्यास

२४ जेठ, बीरगञ्ज । पर्साको जगरनाथपुर गाउँपालिका वडा नम्बर ५ मा रहेको श्री नेपाल राष्ट्रिय माद्यमिक विद्यालय मसिहानीको थप ४ कोठे पक्कि भवन निर्माण हुने भएको छ ।

सोमबार एक कार्यक्रमकाबीच नेपाली कांग्रेसका केन्द्रीय सदस्य रमेश रिजालले विद्यालय भवनको शिलान्यास गरेसँगै विद्यालयको थप ४ कोठे पक्कि भवन निर्माण हुने भएको हो ।

राष्ट्रपति शैक्षिक सुधार कार्यक्रम अन्तर्गत ३६ लाखको लागतमा उपभोक्ता समिति मार्फत दुई तले पक्कि भवन निर्माण गरिने गाउँपालिकाका अध्यक्ष श्रीकान्त प्रसाद यादवले जानकारी दिए । भवन निर्माण समयमै सम्पन्न उपभोक्ता समितिलाई अध्यक्ष यादवले निर्देशन समेत दिएका छन् ।