चुँदीखोलामा डुबेर दुई जनाको मृत्यु

३० जेठ तनहुँ । तनहुँको भानु नगरपालिका–२ स्थित चुँदीखोलामा डुबेर दुई जनाको मृत्यु भएको छ ।

आइतबार दिउँसो चुँदी खोलामा पौडी खेल्ने क्रममा उनीहरूको ज्यान गएको हो । जिल्ला प्रहरी कार्यालयका प्रहरी नायब उपरीक्षक युवराज खड्काका अनुसार भानु नगरपालिका–२ का ३५ वर्षीय धनबहादुर गुरुङ र २२ वर्षीय सागर गुरुङको मृत्यु भएको हो ।

घटनालगत्तै इलाका प्रहरी कार्यालय भानुबाट खटिएको प्रहरी टोली र स्थानीयवासीले खोलाबाट शव निकालेका थिए ।