राङ्खोलाबाट लागू औषधसहित एक युवक पक्राउ

♦ प्रकाश डोटेल

३० जेठ, स्याङ्जा । स्याङ्जाको पुतलीबजार नगरपालिका १० राङ्खोलाबाट लागू औषधसहित एक युवा पक्राउ परेका छन् ।

पक्राउ पर्नेमा पोखरा महानगरपालिका वडा नं. १ हरिचोक बस्ने २४ वर्षिया रोशन बराईली रहेका छन् । सुनौलीबाट पोखरा तर्फ आउँदै गरेको बा. १ ख. १४२१ हाईस चेकजाँच गर्ने क्रममाउनलाई लागू औषधसहित पक्राउ गरिएको प्रहरीले जनाएको छ ।

बराईसीको साथबाट प्रहरीले फेनरागन ३५ एम्पुल, नुर्फिन ३५एम्पुल र डाईजेपाम ३४ एम्पुल गरी १ सय ४ थान लागू औषध फेला पारेको प्रहरी प्रवक्ता प्रहरी निरीक्षक पदमराज थापाले जानकारी दिए ।

लागूऔषसहितपक्राउ परेको बराईलीलाई जिल्लाअदालत स्याङ्जाबाट म्यादथप गरी आवश्यक अनुसन्धान अगाडी बढाएको प्रहरीले जनाएको छ ।