नयाँदिल्लीमा संक्रमित ८२ प्रतिशतले वृद्धि

१ असार, एजेन्सी । भारतको नयाँ दिल्लीमा कोरोना भाइरसबाट संक्रमितकाे संख्या ८२ प्रतिशतले वृद्धि भएको छ । सरकारी अधिकारीले बुधबार दिएको जानकारीअनुसार अघिल्लो दिनको तुलनामा बुधबार ८२ प्रतिशतले वृद्धि भएको हो ।

देशको संघीय राजधानी नयाँ दिल्लीमा एकाएक संक्रमितकाे सङ्ख्यामा वृद्धि भएको विवरण सार्वजनिक भएपछि धेरैको ध्यान खिचिएको छ । स्वास्थ्य अधिकारीका अनुसार पछिल्लो एक दिनमा एक हजार ११८ जना संक्रमित थपिएका छन् । जवकी अघिल्लो दिन ६१४ जना मात्रै संक्रमित भएका थिए ।

उनीहरुले पछिल्लो एक दिनमा ५०० संक्रमित संक्रमणमुक्त भएका छन् । भारतमा अहिले देशभरी सक्रिय संक्रमितको संख्या ५० हजार ५४८ रहेका छन् । भारतमा अहिले फेरि दैनिक संक्रमितको संख्या बढ्दै गइरहेको देखिएको छ ।