पोखराको फिर्केखोला नजिकै सडक भासियो, एक घरमा पूर्ण क्षति !

१२ असार, पोखरा । लगातार परेको भारी बर्षाले पोखराको फिर्केखोला नजिकै सडक भासिएको छ। आज आइतबार बिहानभारी वर्षाका कारण पोखरा महानगरपालिका वडा नम्बर ४ मा सडकसहित एक घर भासिएको हो।

प्रहरीका अनुसार पोखरा महानगरपालिका वडा नम्बर ४ स्थित बुढानिलकण्ठ किरियाकर्म अगाडिको सडक भासिएको हो। करिब १० मिटर सडक भासिएको छ। भासिएको सडक मर्मत गर्ने तयारी भैइरहेको प्रहरीले जनाएको छ ।

सडक वारि र पारि गरेर पूर्णरुपमा भासिएको छ । सडकसँगै घर पनि भासिदा घरको बाहिरी भाग सकुशल छ तर, भित्री कोठा भने भासिएर पूर्ण क्षति पुगेको छ प्रहरीले जनाएको छ । महानगर उपप्रमुख मञ्जुदेवी गुरुङसहितको टोलीले भासिएको सडकको स्थलगत निरीक्षण गरेको छ ।