समृद्धि फाइनान्सको लिलामी शेयर बाँडफाँट

१७ असार, काठमाडौं । समृद्धि फाइनान्सले लिलामीमा बिक्री गरेको शेयर बाँडफाँट भएको छ । कम्पनीले हकप्रद शेयर निष्कासन गर्दा बिक्री नभएको संस्थापक समूहको सात लाख ७२ हजार ६६६ कित्ता शेयर लिलामीमार्फत बिक्रीमा ल्याएको थियो । सोही लिलामी शेयर बाँडफाँट गरिएको हो ।

यसमा न्यूनतम १०० रुपैयाँ ‘कट अफ प्राइस’ कबोल गरेर बोलपत्र पेस गर्ने आवेदकले शेयर पाएका छन् । यता, आवेदकले लिलामी बाँडफाँटमा नपरेको शेयर वापतको पैसा आइतबार ‘१९ असार’ देखि फिर्ता पाउने बिक्री प्रबन्धक बीओके क्यापिटलले जनाएको छ ।