देशभर थप ४० जनामा कोरोना पुष्टि

२० असार, काठमाडौं । पछिल्लो २४ घण्टामा देशभर थप ४० जनामा कोरोना भाइरस संक्रमण पुष्टि भएको छ । सो अवधिमा कसैको मृत्‍यु भएको छैन ।

स्वास्थ्य मन्त्रालयका अनुसार १ हजार ८ सय ४७ जनाको पीसीआर परीक्षणमा ३४ जना र १ हजार १ सय ६३ जनाको एन्टीजेन परीक्षणमा ६ जना गरी ४० जनामा संक्रमण पुष्टि भएको हो ।

पछिल्लो २४ घण्टामा कोरोनाबाट १९ जना निको भएका छन् भने हाल देशभर ३४८ जना सक्रिय संक्रमित रहेका छन् । सोमबार थपिएसँगै नेपालमा कोरोना संक्रमितको कुल संख्या ११ लाख २० हजार ३५४ पुगेको छ ।