अब एनआईसी एसियाका एप, वेबसाइट र इन्टरनेट बैंकिङ टेलिकमको नेटवर्कमा निःशुल्क

२४ असार, काठमाडौं । एनआईसी एसिया बैंकले डिजिटल बैंकिङको प्रवर्द्धन गर्नका लागि आफ्नो मोबाइल बैंकिङ एप, वेबसाइट, आईसर्भ तथा इन्टरनेट बैंकिङ नेपाल टेलिकमको नेटवर्कमा निःशुल्क चलाउन मिल्ने सुविधा ल्याएको छ।

यसमार्फत यस बैंकका ग्राहकहरूले नेपाल टेलिकमको डाटा प्रयोग गरी एनआईसी एसिया मोब्यान्क एप, आईसर्भ, वेबसाइट तथा इन्टरनेट बैंकिङ निःशुल्क चलाउन पाउनेछन्।

बैंकले यसअघि एनसेलको नेटवर्कमा पनि यही सुविधा ल्याइसकेको छ। अब नेपालका दुई प्रमुख दूरसञ्चार कम्पनीका नेटवर्कमा एनआईसी एसियाका सेवा निःशुल्क चलाउन पाइनेछ।

बैंकका अनुसार उक्तबाहेकका अन्य सेवाहरु लिँदा वा डिभाइसको ब्याक ग्राउण्डमा चल्न सक्ने अन्य एपहरुको हकमा दूरसञ्चार सेवा प्रदायक कम्पनीको नियमानुसार शुल्क लाग्नेछ।

बैंकले ल्याएको यस नवीन सुविधाले धेरै भन्दा धेरै ग्राहकहरूलाई डिजिटल कारोबारमा अभ्यस्त पार्नुका साथै सिंगो देशमा डिजिटल बैंकिङको प्रवर्द्धनमा थप टेवा मिल्ने बैंकले विश्वास लिएको छ ।