ललितपुरका मेयर चिरीबाबुलाई कोरोना संक्रमण

२४ असार, काठमाडौं । ललितपुर महानगरपालिकाका मेयर चिरीबाबु महर्जनलाई कोरोना संक्रमण भएको छ । आज गरिएको परीक्षणमा महर्जनलाई कोरोना देखिएको हो । महर्जनले घरमै स्वास्थ्य लाभ गरिरहेको महानगरका प्रवक्ता राजु महर्जनले बताए ।

पछिल्लो समय नेपालमा परीक्षण घट्दा पनि कोरोना स‌क्रमण दैनिक रुपमा बढिरहेको छ । पछिल्लो २४ घण्टामा ९८ जना नयाँ संक्रमित थपिएका छन् । स्वास्थ्य मन्त्रालयले दिएको विवरण अनुसार पीसीआरबाट ८३ र एन्टिजन परीक्षणबाट १५ जनामा कोरोना पुष्टि भएको हो ।