नेपालमा संक्रमण दर उकालो लाग्दै, कति संक्रमित थपिए ?

२६ असार, काठमाडौं । नेपालमा कोरोना भाइरस संक्रमण दर फेरी उकालो लागेको छ । पछिल्लो २४ घण्टामा देशभर थप १ सय २१ जनामा कोरोना भाइरस संक्रमण पुष्टि भएको छ ।

स्वास्थ्य मन्त्रालयका अनुसार ३ हजार ४५ जनाको परीक्षणमा १ सय २१ जनामा संक्रमण पुष्टि भएको हो । जसमध्‍ये १ हजार ७०० जनाको पीसीआर परीक्षण गर्दा १०४ जना र १ हजार ३४५ जनाको एन्टिजेन परीक्षण गर्दा १७ जनामा संक्रमण देखिएको हो ।

हाल सक्रिय संक्रमितको संख्या ४७१ पुगेको छ भने ३१ जना संक्रमणमुक्त भएका छन् । आइतबार थपिएसँगै नेपालमा कोरोना संक्रमितको कुल संख्या ११ लाख २० हजार ९५६ पुगेको छ ।